{ كل ماقلتي خجوله قلت ( بسم الله عليك )

{ كل ماقلتي خجوله قلت ( بسم الله عليك )

الحيا اللي يهتويك وصب في قلبـي غـلاك
كل ما قلتي خجوله قلـت بسـم الله عليـك



ادري انك بنت اصول وعاجبتني يامـلاك
وش تقولين أن صدقت وقلت قلبي مهتويـك



اقبلي مثل البدر لامن تـلا لا فـي سمـاك
وانثري عطر التلاقي والمحبة مـن يديـك



يوم جيتي فز قلبي وارتجـف حـزة لقـاك
والمشاعر صفقت لك والعيون تموت فيـك



ياهلابك واسكني في وسط قلـبٍ مانسـاك
وحدك لحالك بوسط القلب ماغيرك شريـك



اختلاف الراي وارد والوفا منـي جـزاك
يمكن احيان افهمك واحيان اصوت لك ابيك



والله اني كل ماذعذع من المشـرق هـواك
انتهي بك في قصيدي وأن ذكرتك أبتديـك



كل حرفٍ من حروفي عانق اطيافك وجاك
يفتخر فيك القصيد وكـل كلمـة تحتويـك



جيتك بشوقي مبي حزنك أبي ضحكت شفاك
اشتهي موج البحر جزره ومـده واشتهيـك



الله اللي من كرم جوده ومن مـده عطـاك
ليه أنا مهــواك لجل اتـوب عن ذيـه وذيـــك