حب ما هو حب

في كل مره نختلف تقول اصبر وصبرت

على الالم على الحزن وعلى تصاريف الحياه

ترى لو انه ما عثر حظي مشيت وما عثرت

لاشك يوم انه عثر بالدرب عثرني معاه

وانا عشقت وما اعتقد يومي عشقت اني كفرت

او سرت في عيبٍ على طبعي يشد الانتباه

واخلصت لكن ليتني ما أخصلت ولا ما شعرت

ان القضيه حب ما هو حب لكن اشتباه

ركبت خطوتي رحيل للواقع اللي ما افتكرت

انه دعاني اتبعه لجل انتهي كلي وراه

نسيت نفسي لا نتبهت ولا سالت ولا نظرت

لقيتني مثل العمى لا طاحت يده من عصاه

واغيب وان حتى حداني الوقت للوصل وحضرت

اصير في هيئه جسد خالي ومضمونه جفاه

ياصاحبي غصب علي عشتك هزيمه وانكسرت

يوم المصير اللي وصلته خالف القلب وهواه

وانا لو اني ماقدرت انساك وانتي اللي قدرت

اقول يابحت اللذي ذُل المحبه ما وطاه

ولكم ودي وتحياتي