رضيت انا حبك وبس مافيه بعد الروح روح
لي روح وحده وإن مضت يعني وصلت لنهايتي
اقول .. يا حلو الغرام ليا جمع صدق ووضوح
واقول ياحلو التعب يوم ان عيونك غايتي
ان قلت احبك . . حبك بقلبي يفوق اللي ابوح
يكفيك فخر انك على درب السرور بدايتي
والليل لو عاد بسماه المظلمه قمرى تلوح
ما شفتها غيرك ولا به غير نورك حاجتي
والناس شفت وجوهم ما بينهم وجه صبوح
يا كود وجهك صار عن باق الوجوه كفايتي
حبيبتي . . اهلا وسهلا بك هَنا ولا جروح
اهلا بحبٍ غايته عزي ورفعه هامتي
قلبي معك لو ساقت الدنيا لنا حظٍ شحوح
ازحف لك ولو ما قوت تركز عظامي قامتي
شي يشرفني ونا اضيق لعيونك وانوح
حتى قليل ان الوفا وياك يصبح رايتي
اشتاق لك واقول ليت القاك يالقلب السموح
ودي اجـي اسولـف لك بـكل حكايتـي
واقول يفداك العمر لو راح لعيونك يروح
يوم اني القا فوق كفينك دفاي وراحتي
تأكدي اني لحبك يابعد كلي نصوح
كلك على بعضك رضيت او مارضيت هوايتي
لا شك انك روحي وما لي بعد فقدانك روح
وليا حصل يوم وتركتيني وصلت نهايتي
اتمنى ان تنال اعجابكم
اخوكم
مملوح وكلي جروح
