استأذن واقول لك شكرا على الدرس الاخير
وأنا الحقيقه فاهمك ما عاد يلزمني دروس
واضح كثير انا الهوى حده معك درب قصير
وإن آخرك مثل اولك منه يجي ضيق النفوس
وليا تفرق شملنا خله بصير اللي يصير
يكفيني ان الوقت قدامي غدا وجهه عبوس
جيتك وحلمي العمر يقضينا سوى شد وخير
ما قلت تزرع بيني وبين الفرح حرب ضروس
عطشت مواعيدك وفا ومل الصبر مني كثير
تعبت اخلي الحزن لعيونك على عمري يدوس
اصحبت صحراء قاحله يجتاحها حر الهجير
لكن منى صار السحاب يحس بأحوال الطعوس
واشوف روحي تنتهي ينتابها حزن كبير
صعب معاناتي بها يحكي القلم فوق الطروس
درسك خيانه واعتذر وياك لا يمكن اسير
ولا شك ينهار الغلا لا صار ينهش فيه سوس
