عزاي انك سما لا انا ولا غيري وصلناها
عزاي انك مثل هالشمس ابد ما تحتويها يد
ومثـــلك تنظلم مهما بسوالفنا مدحناها
دخيلك بس من يقدر يعطي العطر للورد
اكيد احلامنا لاجلك في ماضينا حـلمناها
واكيد احلامنا بكره بنحلمها لعيونك بعد
ضيــاع ايامـــنا قبلك فكل خطــــوه مشيناها
يا احلى مافي هالطيبه واعذب كل مافي الود
عطاشا كثر ما نشرب عيونك ما ارتويناهــا
نسافــــر منــــك ولك دايم ينادينا الوله ونرد
يغار الجــــد ضحكـــه ضحكتيهـــا وسمعناهـــــــا
ويموت الضحك من غيضه اذا مره ضحكتي بجد
نجيـــك قلوبنــــا معنا ونرجع بك نسيناها
تعبنا نعدد وصوفك ونخطي بكل مره نعد
