السلام عليكم
قصيده عيبتني .. كلماتها في غاية الوفا و الاخلاص..
من اصعب المواقف ان تودع من تعشقه...
وانت تراه...
يفارق الحياه..
حبيب قد ملئ عليك الدنيا بطيبته وحبه الصادق .. وكأنك تشعر بأنك هو .. لايريد لك الا السعاده
والتوفيق ويتبسم لك حتى لو هو في اشد واقسى الظروف لكيِ لاتشعر بضيق منه
وفي قمة الوفاء
..
(( بس هالزمن مااااااااافيه وفا ولا فيه حب .. كله غدر وخيانه وخداع ..))
..
هلا بك يابعد عمري ياقلبي انت ياالغالي
........................ تهلي بي عيون الحب من اخر ليالـــــيها
تقول ارجوك لاتهتم انا في احسن احوالي
........................... تبسم لي وهي تمسح دموع العين بيديها
تقول الدنيا وش تسوى اذا ماشفتك اقبالي
........................ ابيع الكون لعيونك لجل لحظه معي فيها
تموت من الالم لكن تبي ماينشغل بــالي
....................... الا ياناس ياعالم وربي من يســــــاويها
وهلت دمعة عيوني بعد ماضاق بي حالي
................... سجدت ادعي بدون شعور الا يارب تشفيها
وقالت لو يشيلوني وعنك شدو ارحالي
......................... امانه يابعد روحي ابي روحك اوصيها
ابيك اجمل من الاول ابي كل ماتهيالي
......................... بعد موتي اشوفك مهتني روحي تهنيها
الاياطـــيبة الدنيا الاشـمسي وظــــلالــي
....................... نهاية روحي من قبلك عسى ربي يبديها
وشالوها بسرير ابيض وزاد الهم غربالي
........................... وضاقت فيني الدنيا وانا نفسي امنيها
وراحت تنتظر رجعه ودمع العين همالي
........................ الا لو العمر يعطى قسم بالله لاعطيها
وطاحت وردة من كفي وانا ماشي على فالي
...................... لقيت الشال في يدي يضمه قلب مغليها
جلست اراقب الساعه واانا ادعي ربي الوالي
.................... عسى ياربي يارحمن ياقادر تنجيـــــها
انا من لي بالهدنيا واعيش اشلون بحالي
............... . .بعدها ماابي نفسي وحتى الـناس مابيها
قسم بالله لو موتي يجيني قبلها اشــــوالي
............... ولاابي تبعد و تـــرحل وانا مــااقدر اوفيــها
وجو لي اربع اطباء وقلبي مشتعل صالي
............ امانه هاه قــولو لي امــــانه وش حصل فيها
وقالو
وقالو
وقالو
وقالو البقاء براسك وصاب الارض زلزالي
............ تزلزل كل مافيني بكــــــت نفسي وامانيها
ولاكني بهالدنيا صرخت بصوتي العالي
......... الا يامصعب الفرقي وروحي من يواسيـــها
عسى الرحمن يرحمها ويغفر اول وتالي
.........وعسى ياربي بالجنه بعد موتي الاقـــــــــــيها
بصراحه بكيت ودموعيه لروحها انزلت الكلمات تصيح ..
فداعة الكريم ..