تامرحسني............السر
ده حوار صحفي مع اسراره العاطفيه لكل محبي تامر حسني
تامرفقط تامر بدون القاب تامر الانسان الصديق الاخ الابن العاشق بعيد عن الشهرة والاضواء في حوار حميم على مدى ساعتين تبادلنا الذكريات والاسرار والامال الكثير منا يعرف تامرحسني المغني المؤلف الممثل الملحن الكاتب قليلون جدا الذين يعرفون تامر الانسان وعلى وسع شهرته ولكن دائرة الموثوق بهم ضيقة جدا هذا حديث الحميم دخلنا الى اماكن كانت تحمل سابقا لافته ممنوع الدخول وداعبنا مشاعر لم تمس من قبل بسؤال بسيط ولكن يحمل العديد من الاجابات بدانا اكتشاف تامر الانسان
ايه هو الحب؟
كلمه وحده عطاء عطاء من غير مانستنا مقابل لان لو استنينا مقابل ده يبقى مجرد تبادل وده ممكن يحصل بين كل انسان والتاني من غير مايكونوا بيحبوا بعض بس الي بيحب بجد يدي وما يستناش مقابل
لو انتا بتحب ايه الحاجات الي ممكن تديها لحبيبتك؟
حياتي كلها هاتكون تحت امرها كل حاجه بتاعتي هاتكون ليها حبي وحناني واهتمامي وحمايتي ورعايتي مش هقدر استحمل انها تكون عايزه حاجه وانا ماقدرش اديلهالها هاديلها تامر كل تامر
الحب والكبرياء ممكن يجتمعوا مع بعض؟
مستحيل لو انا وحبيبتي بنحب بعض مفيش مكان كبرياء او كرامة بينه لو احنا مع بعض ولاحظت ان رباط جزمتها مفكوك هانزل وسط الشارع واربط لها الرباط وممكن ابكي في حضنها وابين قدمها ضعفي وااولها اني محتاج لها انا ملاذي وملجاي انا ممكن اكون في شغلي وازعق ومتعصب وجد جدا واخرج من الشغل اترمي في حضنها واكون زي الطفل
معنى كده انك مش هاتتكسف تبكي في حضنها؟
ايوه مش هاتكسف ومين غيرها يشوف دموعي ولكن مستحيل ابكي لو هيا بتنهي علاقتها معايا لان ده هايكسر صورتي قدامها للابد
وايه الي ممكن يخليك تبكي؟
الظلم ولو شفت واحد نفسه يعمل حاجه قوي ومش قادر يعملها كمان انا ممكن ابكي في مشهد مؤثر في فيلم زي فيلم حينا ميسرة لما الواد كان بيترجى مامته الي ربته انها ماتسبهوش المشهد ده خلاني ادمع في لحظة
لو اتجوزت ولقيت نفسك مش سعيد مع مراتك ممكن تطلقها؟
مستحيل انا اتحرمت من ابويا ومستحيل اني اخلي اولادي يحسوا الاحساس الي انا كنت بحسه كل يوم
لو بتحب بنت وخلاص مش قادر تكتم حبك جواك وهي في شغلها هاتعمل ايه؟
هادخل وسط الناس وهاعترفلها بحبي
في وسط الناس؟
اه وبصوت عالي هو الحب جاجه اتكسف منها ده الحب احلى حاجه ممكن تحصل لاي حد والواحد المفروض يكون فخور بيها جدا
ايه احلى لحظات الحب بالنسبالك ؟
انا بحب الجراه في الحب انا كتبت اغنية اسمها ياتاعبني عمرها حصلتلك دي تبقى لسه شايف حد وانتا لسه ماتعرفوش ايوه ماتعرفوش دي وحده من احلى لحظات الحب ولحظه ما ادافع عن حبيبتي واحميها ولحظة ماتجوزها
ممكن تعرف بنت بتحبك من ماهي تقولك؟
طبعا ممكن من تون صوتها وحركاتها ونظرتها ليا واكتر حاجه لو حاولت انها تخبي حبها كل ماتحاول تخبي كل مايبان اكتر
الشتا ولا الصيف رومانسي اكتر؟
الشتا برد واحلى حاجه في البرد لما الواحد يدفى في حضن حبيبته
تحب تتمشى على البحر ولا تحت المطر؟
تحت المطر
البنت والولد لما يكونوا بيحبوا بعض يكون شكل العلاقه ازاي؟
بصي علاقة الحب زي العربية لو البنت وثقت في الولد انه بيعرف يسوق هتركب معاه وتسيبه يسوق
يعني تحب تكون انتا الطرف المسيطر ؟
ايوه بس هيا مش سيطرة هي حمايه وخوف عليها الحقيقة بتقول ان الطرف الاقوى في العلاقه وانا الاقدر على حمايتها والبنوته الحقيقة هيا الي تحب تحس الحماية دي
