المقادير: ربطة معكرونة
للصلصة [ صلصة البيتزا]:
بندورة*** فليفلة ***بصلة ***فطر ***قشقوان *** زعتر اخضر
للتزين : قشقوان مبشور*** مرتديلا مبشورة*** فطر مقطع
طريقة عمل الصلصة:
نفرم البندورة والبصلة والفليفلة ناعم
نطبخهم على نار هادية مع شوية زيت زيتون
ومنحط ملعقة كبيرة زعتر اخضر
طريقة التحضير:
نسلق المعكرونة وتصفى من المي
توضع مع شوية زيت بالطنجرة
ونقلبها تقليبتين [تقلاية خفيفة]
توضع المعكرونة بـ جاط بيركس
وتخلط مع الصلصة المطبوخة
نضيف لها بعض القشقوان المبشور والفطر
وندخلها الفرن بس من الاسفل
على حرارة 180 لمدة ربع ساعة
نطفي الفرن و نزين وجه الجاط بالقشقوان المبشور
والفطر والمرتديلا المبروشة
وتشعل المشواية من الاعلى لمدة دقيقتين
مشان تذوب الجبنة وتتجانس مع المعكرونة
وبتخرجوها من الفرن
وبتاكلو اطيب معكرونة بنكهة البيتزا
وصحتين وهنا
انشالة تكون عجبتكن
![[]...معكرونة بصلصة البيتزا..[] 323087868](https://2img.net/h/img101.herosh.com/2009/09/07/323087868.gif)
![[]...معكرونة بصلصة البيتزا..[] 395851](https://2img.net/h/m002.maktoob.com/alfrasha/ups/u/26978/31670/395851.gif)