** تغطية المسلسل التركي الحب والحرب "karayilan " **

كان لقاء محمد بامه لقاء مؤثر
طبعاُ ارتمى بحضن امه [ندعوك للتسجيل في المنتدى أو التعريف بنفسك لمعاينة هذه الصورة]
ودخل اخوه البيت فمحمد بحضن اخوه وبقلوا يا سعدوا يا نمر
ام محمد بتقوله بدي احضر الك اكل تاكله بقلها انا بدي انام
وبعدين باكل فبقوله سعدو احضر الك الحمام بقوله بس افيق
بجي الاب مأمون معصب على البيت وبقول لزوجته وسعدو كيف بترك الحرب وكيف ما بدوا يحارب
وبسال عن محمد بتقوله نايم المهم بدخل على غرفة محمد
وهو معصب بس لما يشوفه نايم [ندعوك للتسجيل في المنتدى أو التعريف بنفسك لمعاينة هذه الصورة]
بحن قلبه وبقول لزوجته مستحيل يفيق حتى لو ضربتي مدفع
بتقوله زوجته هو في هيك شي طالع الك وبصير سعدو يضحك [ندعوك للتسجيل في المنتدى أو التعريف بنفسك لمعاينة هذه الصورة]
المهم بس يفيق محمد بروح عند ابوه بكون الاب سهران في حوش البيت
بيجي محمد ببوس ايد ابوه وبقوله كيفك يا بابا
الاب بقول لمحمد انو الانجليزي محتلين عنيتاب ولازم تحارب مع شباب
الضيعة عشان تطردهم فمحمد بقول لابوه بابا انا تعبت من الحرب[ندعوك للتسجيل في المنتدى أو التعريف بنفسك لمعاينة هذه الصورة]
ما بدي احارب بعصب ابوه عليه وبقوله شو بدك تعمل [ندعوك للتسجيل في المنتدى أو التعريف بنفسك لمعاينة هذه الصورة]
بقوله محمد اي شي ممكن ارعى الغنم طبعاُ الاب ما بعجبه كلام محمد
وبحكي الاب مع واحد رفيق محمد اسمه صلاح الدين ومحمد بقوله اخي لانوا
الاتراك بقولوا للشخص اللي اكبر منهم ابيه يعني بالعربي اخي
بجي صلاح الدين وبقعد يتعشى مع محمد وابوه وسعدو
بصير محمد وصلاح يحكوا عن ذكرياتهم
فبقول محمد لصلاح بتتذكر مرة لما طلعت العنزة الجبل وطلعنا نجيبها
فالعنزة نزلت وفضلنا عالقين بالجبل واجى ابوي وضربنا [ندعوك للتسجيل في المنتدى أو التعريف بنفسك لمعاينة هذه الصورة]
فالاب بقول الهم اللي ما بعرف يطلع لازم ما انزله
وبصير محمد يقول انو صلاح هو اللي علمه الفروسية
فبقدم صلاح لمحمد حصان كهدية
بقوله محمد انا ما بدي احارب فحرام تعطيني هيك هدية
فصلاح بقوله انت اعز رفيق عندي وحتى لو ما بدك تحارب انا راح اهديك الحصان
بنشوف انو محمد بعمل جولة بالحصان اول شي بروح يزور ام رفيقه ماركوس
واول ما تشوفه بتاخده بالاحضان وبتقوله انت الحنش الاسود
بسالها عن ماركوس بتقوله بدوا ياني اترك الضيعة
وانا مستحيل اتركها حتى لو بدي اتركها رجلي بمنعوني
بتقوله انا عشت طول حياتي هون
وبتقوله ممكن تلاقي ماركوس في عنيتاب
المهم محمد بروح على عنيتاب وهو بتجول فيها
بلاقي شاب اسمه حليم بكون رايح عند الاسكافي اللي بصلح وببيع الاحذية
بطلب منه انو يصلح الو الحذاء فالرجال بقوله
حذائك مهتري وما بقدر اصلحه بقوله حليم اديه حق هادا الحذاء
برد عليه الرجال وبقوله خمس مجيديات
حليم بعترض وبقوله هيك كتير
فبتدخل محمد وبقوله مو كتير لانوا بضاعته احسن بضاعة
فالناس الموجودين بقولوا الو كانوا احنا بنعرفك
بقولهم انا محمد ابن مامون
بقولوا الو لازم نعزمك على القهوة
المهم واحد من الاتراك المتعاونين مع الانجليز
بكون ماشي مع العسكر الانجليز
وبدخلوا على محل ببيع قهوة وبقولهم بدنا قهوة فبياع المحل
بقوله القهوة اللي عندي محجوزة بقوله كيف بترفض
طلب الانجليز فمحمد بتدخل وبقوله روحوا من هون احسنلك
ارام اللي متعامل مع الانجليز بقول للانجليز طبعاً
بحكي معهم بالانجليزي وبقولهم مافي قهوة
فبطلعوا وبقرب ارام من محمد وبقوله انو الانجليزي
قال انو هو مو فاضي ولو فاضي كان فرجاك شغله
محمد بقوله ليه بتكذب صحيح انا ما بعرف انجليزي
بس بفهم واحسنلك روح من هون
ونسيت اقولكم انو محمد بحلق دقنه وبقصر شعره
وهو بغير ملابسه بنشوف انو متصاوب بكتفه [ندعوك للتسجيل في المنتدى أو التعريف بنفسك لمعاينة هذه الصورة]

[center]بروح محمد على بيت سونا وهي بتكون بنت ارمنية
وهي صديقته من ايام الطفولة بروح عندها عشان يسالها عن ماركوس
على فكرة لاحظت انو بالدبلجة ما ذكروا انو ماركوس وسونا ارمن
ما بعرف ليه لانوا بالنسخة التركية ذاكرين هيك شي
المهم بدق محمد على باب سونا بتفتح الباب واول ما تشوف محمد
كانها بتنصدم [ندعوك للتسجيل في المنتدى أو التعريف بنفسك لمعاينة هذه الصورة]
المهم اول ما تشوفه بتقوله تفضل فمحمد بخجل يفوت
فسونا بتقوله ما بصير تفضل واقف تفضل ادخل
بدخل محمد وبجلسوا في صالون الضيوف
بسال سوا عن اهلها بتقوله اهلي باسطنبول
ماما والبابا كتير مناح بس ما حبيت اترك عنيتاب واروح اسطنبول
بسالها عن ماركوس بتقوله ما بشوفوا كتير
وبتقوله اخر مرة شفته من فترة
بتقوله انو هي بتشتغل مع الكونونيل الانجليزي كمترجمة
وكمان علمت الضباط الانجليزي تركي
بتقوله تشرب ليمون بقولها ايه ليه لا بس
ياريت تحطي معو نعنع
المهم لما تعمل الليمون بتوقع الصنية على الارض
بساعدها محمد بتنظيف الكاسات المكسورة
بتقوله هدول الكاسات غاليات على قلبي
المهم بتعمل ليمون من جديد وبتقول لمحمد
كنت افكرك ميت مفاجئة كبير الي اني شفتك امامي وعايش
بتقوله انا عجزت بصير محمد يضحك
بروح محمد على صديقه الدكتور عثمان عشان يزوره
بجلس ينتظره لانوا ما اجى
بتكون انوار جالسة مع امها وكان في خلاف كبير بينهم
لانوا والد انوار نقتل على يد احد قطاع الطرق وانوار كتير
متاثرة بموت ابوها وكل يوم بتروح تزور قبره
بتقولها امها ابوكي الو 8 شهور ميت وما بصير هيك
بتقولها انوار ما كنت اتوقع تنسي بابا بهادي السهولة
لانوا لو بابا كان مخلف ولد كان اخد بالتار وقتل المجرم
فانا لازم اخد بتاره واقتل المجرم
وبتزعل وبتقول لامها مابدي اكل
وتاني يوم امها بتدخل عليها وبتعتذر انوار من امها عشان عصبت على امها
بتقولها امها شو رايك نعمل شي حلو من الاشياء الحلوة اللي كنا نعملها زمان
بتقولها اول شي لازم نفطر وبعدين بنروح الخياطة
بروحوا الخياطة وبصيروا يقيسوا فساتين
بلقيس خانم ام انوار بتقولها راح افصل الك لباس
للفروسية بتقولها انوار ما انت ما بتحبي الفروسية
فالام بتقولها مو مهم انا كرمالك راح اعمل اللي بتحبيه
وبتقول للخياطة بدي افصل لبنتي فستانين لانها متل الاميرات
وبتشوف الام رسمة مرسوم عليها حنش
بتقولها شو هادي بتقولها الصبايا من الضيعة
رسموها لانوا لحنش الاسود كتير مشهور عندهم
هو رجال ابضاي وكان ما يسمح لقطاع الطرق
بالدخول لضيعة وكان الكل يخاف منه ويعمل الو حساب
فالام ما بعجبها هيك كلام وما بدها بنتها تتفتح عيونها
على هيك حكي فبتقول لانوار تروح عند الدكتور.
عثمان عشان تجيب الها دواء لانوا دواها قرب يخلص

تصاميم تركية من الحلقة الاولى[ندعوك للتسجيل في المنتدى أو التعريف بنفسك لمعاينة هذه الصورة]
تواقيع وصور رمزية[ندعوك للتسجيل في المنتدى أو التعريف بنفسك لمعاينة هذه الصورة]+[ندعوك للتسجيل في المنتدى أو التعريف بنفسك لمعاينة هذه الصورة]+[ندعوك للتسجيل في المنتدى أو التعريف بنفسك لمعاينة هذه الصورة]+[ندعوك للتسجيل في المنتدى أو التعريف بنفسك لمعاينة هذه الصورة]+[ندعوك للتسجيل في المنتدى أو التعريف بنفسك لمعاينة هذه الصورة]+[ندعوك للتسجيل في المنتدى أو التعريف بنفسك لمعاينة هذه الصورة]
+
[ندعوك للتسجيل في المنتدى أو التعريف بنفسك لمعاينة هذه الصورة]